مشہور خاتون اینکر کو3 سال قید کاحکم، ناظرین کوٹی وی پر کون سے گھٹیا کام کے طریقے بتائے تھے؟

قاہرہ(ویب ڈیسک)ایک مصری ٹیلی ویڑن میزبان کو اپنے پروگرام کے دوران شادی کے بغیر حاملہ بننے کے طریقے بتانے کے الزام میں تین سال قید کی سزا سنائی گئی ہے۔میڈیارپورٹس کے مطابق مصری ٹی وی کے لیے کام کرنے والی دعا صلاح نے ناظرین سے پوچھا تھا کہ کیا انھوں نے شادی کے بغیر سیکس کے بارے میں سوچا ہی اس کے علاوہ انھوں نے مشورہ دیا تھا کہ عورتوں

کو مختصر عرصے کے لیے شادی کرنی چاہیے اور بچے پیدا ہونے کے بعد طلاق لے لینی چاہیے۔ انھیں عوام کا اخلاق خراب کرنے کا مجرم قرار دیا گیا ہے۔ تین برس قید کے علاوہ ان پر دس ہزار مصری پاؤنڈ جرمانہ بھی عائد کیا گیا ہے۔حکام کا کہنا تھا کہ ان کے پروگرام سے مصری زندگی کے ڈھانچے کو نقصان پہنچا ہے۔مصری معاشرے میں شادی کے بغیر سیکس کو بڑی حد تک ناقابلِ قبول سمجھا جاتا ہے۔دعا صلاح نے اپنے پروگرام میں کہا تھا کہ عورت کو چاہیے کہ وہ شوہر کو مختصر عرصے کے لیے شادی کرنے کا معاوضہ دے۔ انھوں نے یہ بھی کہا کہ سپرم کا عطیہ مغربی ملکوں میں قابلِ قبول ہے لیکن مصر میں نہیں۔پروگرام نشر ہونے کے بعد انھیں تین ماہ کے معطل کر دیا گیا تھا، جس کے بعد ان پر مقدمہ چلایا گیا۔وہ سزا کے خلاف اپیل کر سکتی ہیں۔

اپنا تبصرہ بھیجیں